Babu Owino: "Ruto Aliniahidi Wadhifa Wa Waziri Wa Elimu Wakati wa Maandamano Ya Gen Z"
Mbunge wa Embakasi Kusini, Babu Owino, amedai kuwa Rais William Ruto alimwahidi wadhifa wa Waziri wa Elimu wakati wa maandamano ya kizazi cha Gen Z yaliyotikisa nchi mwaka 2024.
Babu Owino amesema ofa hiyo ilitolewa wakati ambapo vijana walikuwa wakifanya maandamano kupinga Mswada wa Fedha wa 2024, wakitaka serikali kushughulikia gharama ya maisha na kuimarisha uwajibikaji katika uongozi.
Kwa mujibu wa madai ya mbunge huyo, hatua ya Rais Ruto kumwahidi wadhifa huo ilijiri katika kipindi ambacho serikali ilikuwa chini ya shinikizo kubwa la umma kutokana na maandamano yaliyoenea katika maeneo mbalimbali nchini.
Maandamano hayo yaliongozwa kwa kiasi kikubwa na vijana waliotumia mitandao ya kijamii kuhamasishana na kuratibu mikutano yao, huku wakitaka mabadiliko katika namna nchi inavyoongozwa.
Shinikizo hilo lilisababisha Rais Ruto kutangaza kuwa hatatia saini Mswada wa Fedha wa 2024 na baadaye kufanya mabadiliko katika Baraza la Mawaziri.
Hata hivyo, madai ya Babu Owino kuhusu kuahidiwa wadhifa wa Waziri wa Elimu yanahitaji kuangaliwa katika muktadha wa mazungumzo ya kisiasa yaliyokuwa yakiendelea wakati huo, huku kukiwa na juhudi za kutafuta suluhu ya mvutano kati ya serikali na waandamanaji.
Wakati wa kipindi hicho, serikali ilikabiliwa na wito wa kushirikisha vijana katika maamuzi ya kitaifa, huku baadhi ya viongozi wakihimiza mazungumzo ili kupunguza hali ya wasiwasi iliyokuwa imetanda nchini.
Babu Owino, ambaye amekuwa akijitokeza mara kwa mara katika mijadala kuhusu uongozi na masuala yanayowahusu vijana, hakupata wadhifa huo wa Waziri wa Elimu.
Kauli yake inajiri huku mjadala kuhusu nafasi ya vijana katika uongozi wa nchi na ahadi zinazotolewa na wanasiasa ukiendelea kuvutia hisia za umma.
Hata hivyo, maelezo zaidi kuhusu madai hayo, ikiwemo mazingira ambayo ofa hiyo ilitolewa na majibu ya Rais Ruto, hayajakitajwa.
Hata hivyo,mbunge huyo kwa sasa anonesha dalili za kutaka kutia nia ya kuania kiti cha ugavana kwenye gatuzi la Nairobi kupitia chama cha mrengo wa upinzani.
