Jaji wa Mahakama Kuu Gregory Mutai ameelekeza kuwa kesi iliyowasilishwa na aliyekuwa Gavana wa Nairobi Mike Sonko, akitaka kufutwa kwa hukumu zilizothibitisha kuondolewa kwake madarakani, isikilizwe na kuamuliwa haraka iwezekanavyo.
Sonko anapinga maamuzi ya mahakama yaliyothibitisha kuondolewa kwake kupitia mchakato wa kumwondoa madarakani, akisema kuwa matokeo ya baadaye kuhusu utovu wa nidhamu wa aliyekuwa Jaji wa Mahakama Kuu Said Juma Chitembwe yameibua maswali muhimu kuhusu haki na uhalali wa kikatiba wa kesi hiyo.
Aliyekuwa gavana huyo anadai kuwa ushiriki wa Chitembwe katika jopo la majaji watatu lililotupilia mbali kesi yake ya kupinga kuondolewa kwake madarakani uliathiri haki yake ya kusikilizwa kwa haki na bila upendeleo.
Katika ombi lake, Sonko anategemea uamuzi wa Mahakama ya Juu uliothibitisha matokeo dhidi ya Chitembwe, akisema kuwa utovu wa nidhamu uliobainika katika mchakato wa kinidhamu unahusiana na mzozo ambao jaji huyo alikuwa amehusika kuusikiliza.
Sonko anaitaka Mahakama Kuu kutangaza kuwa hukumu ya awali iliyotolewa Juni 24, 2021, pamoja na maamuzi yaliyofuata katika mahakama za rufaa, hayana uhalali wa kisheria.
Aidha, anataka mahakama iamuru kesi zilizowasilishwa kupinga kuondolewa kwake madarakani zisikilizwe upya kwa kuzingatia hoja zake za msingi.
Anapendekeza kuwa kesi hizo zisikilizwe na jopo kubwa zaidi la majaji litakaloteuliwa na Jaji Mkuu.
Sonko sio kiongozi wa kwanza kutomuliwa ofisini kwa mswada wa kutokuwa na imani naye,huku kiongozi wa hivi karibuni zaidi akiwa Rigathi Gachagua alikuwa naibu wa rais,chini ya serikali ya Kenya Kwanza.
Mara baada ya kuondolewa madarakani,Gachagua amebuni chama chake cha kisiasa,DCP,ambacho tayari kimehsika kwenye chaguzi mbalimbali na kushinda,likiwemo eneo bunge la Olkalau.
Awali,Sonk amekuwa akifuatilia kwa ukaribu ombi la kutaka kupata hatima ya kesi yake hiyo,huku akisema anaamini haki haikuzingatiwa na hakupewa nafasi ya kutosha katika kujieleza na kutoa ushahidi ambao alikuwa amenuia kuutoa mbele ya vyombo vya kisheria.
Iwapo gavana huyo wa wa zamani wa gatuzi la Nairobi atafaulu kushinda kesi hiyo, atapata fidia mbalimbali ikiwemo ya kuda uliotumika na mbinu za uendeshaji wa kesi yake.
